fbpx

“1 muaj në përgjim”. Flet avokati i pedagogut të arrestuar: U zu në kurth nga një…

Avokati i pedagogut Alket Dino, të arrestuar për korrupsion, ka deklaryar se ai ishte vendosur në përgjim nga SPAK prej një muaji.

 “Pedagogu është mbajtur për një muaj në përgjim, kohë kur është regjistruar procedimi penal nga SPAK dhe dje është bërë arrestimi në flagrancë. Dino u arrestua mbrëmë për shkak të një hetimi të filluar nga SPAK”.

Avokati tregoi edhe si u zu në kurth sekseri Xhevi Dervishi me anë të një agjenti të infiltruar.

“Dje janë finalizuar kryerja e veprimeve simuluese nëpërmjet një agjenti të infiltruar. Bëhet fjalë për një student i cili ka pasur një provim të mbetur. Prokuroria ka kryer veprime të simuluara me Xhevahir Dervishin nëpërmjet një agjenti të infiltruar. Në momentin e arrestimit Dino nuk ka pasur asnjë prej kartmomedhave që u përdorën për veprimin simulues. Një pjesë e lekëve janë gjetur te Dervishi, një pjesë nuk janë gjetur”.

Avokati thotë se klienti i tij Dino, është në pozita mohuese. Ai pranon takimin me Dervishin, por për shkaqe të tjera. Dorë në këtë çështje i jep dhe fakti se gjatë kontrollit atij nuk i janë gjetur kartmonedhat e kapura nga policia, 300 euro dhe 50 mijë lekë.

“Është e vërtetë që ka pasur kontakt me të arrestuarin tjetër, por takimi ka qenë për shkak të interesit të pedagogut për një shtëpi me qira, pasi Dervishi është pronar i një agjencie imobiliare. Alket Dino është pozicionuar qartë qe nuk ka lidhje me rastin korruptiv që ka të bëjë me një student që pretendon që ka paguar për një provim me Alket Dinon 500 euro.Gjatë kontrollit fizik profesorit nuk i është gjetur asnjë kartmonedhë euro.Një pjese e eurove janë gjetur në portofolin e Xhevi Dervishit”.

Sipas avokatit të pedagogut, rezultatet e provimit janë mbyllur para një jave dhe nuk ka asnjë mundësi që pedagogu të ndërhynte në sistem për të ndryshuar notën.