Specialistët e Antidrogës po vijojnë veprimet në laboratorin e heroinës, që u zbulua në fshatin Brenog të Hasit.
Policia e Shtetit nuk është shprehur ende zyrtarisht, por mësohet se sasia e heroinës që është gjetur i kalon 100 kilogramë. Në pranga deri më tani janë vënë 5 persona dhe disa të tjerë janë shpallur në kërkim.
Laboratori i heroinës dyshohet se i përket një rrjeti të gjerë të trafikimit ndërkombëtar të drogave të forta. Droga, pasi përpunohej, dyshohet se trafikohej në vendet e Bashkimit Europian përmes rrugëve tokësore dhe detare.
Advertisement