Qeveria shqiptare ka vendosur që të ketë një mbështetje financiare të veçantë për ekselentët që kanë zgjedhur mësuesinë.
Lajmin e dha Kryeministri Edi Rama në një takim me maturantët ekselentë në Hotel Tirana.
“Të gjithë nxënësit e ekselencës të kenë një bursë vjetore prej 1000 dollarësh, e cila do të jepet muaj pas muaj.
Kjo është shumë e rëndësishme për ripërtëritjen e brezave në mësuesi.
Sipas tij nuk do të paguajnë tarifë studimi nxënësit e mirë që hyjnë në mësuesi.
“Vendosja e mesatares mbi 7 për hyrjen në mësuesi, e ka bërë këtë vit akademik momentin e një kthese të madhe në rrugën e të ardhmes së mësuesisë”, tha ndër të tjera Rama, i cili premtoi edhe rritjen e mëtejshme të pagave për mësuesit dhe trajnime të financuara nga buxheti i shtetit.