fbpx

142 aksidente më shumë në 2021, rritet dhe numri i viktimave

auto_auto_auto_aksident-1-115359627131548425579-1-780x4391592998647-1-800x450-1-770x433-1.jpg

Gjatë 2021,aksidentet rrugore në Shqipëri kanë shkaktuar 197 viktima ose 16 persona më shumë se në 2020.Të dhënat e Instat tregojnë se në vitin 2021 numërohen 1.376 aksidente rrugore ose 142 më shumë se në vitin 2020 .

Kjo rritje e ndjeshme numrit të aksidenteve shpjegohet edhe me faktin se gjatë 2020 vendi ka qenë në karantinë dhe lëvizjet kanë qenë të kufizuara. Ndërkohë nëse e krahasojmë me periudhën para pandemisë të dhënat tregojnë se ka ulje të numrit viktimave por janë regjistruar më shumë aksidente e të plagosur.

Shkaktarë të aksidenteve rezultojnë këmbësorët e më pas renditet sjellja e drejtuesve të mjeteve. Në vitin 2021, aksidentet rrugore, në 15,3 % të rasteve, kanë ndodhur si pasojë e sjelljes së këmbësorit.

Shqetësues mbetet fakti se grupmosha e të aksidentuarve rezulton e re dhe varion nga 25-34 vjec. Sipas Instat në muajin dhjetor 2021 numërohen 119 aksidente rrugore nga 113 aksidente të ndodhura në të njëjtën periudhë të një viti më parë, duke u rritur me 5,3 %.

Megjithatë nëse bëjmë një krahasim të aksidenteve ndër vite konstatohet një rënie e tyre .

AKSIDENTET

JANAR –DHJETOR 2019 1.498

JANAR –DHJETOR 2020 1.234

JANAR –DHJETOR 2021 1.376

VIKTIMAT NGA AKSIDENTET

JANAR-DHJETOR 2019 227 PERSONA

JANAR-DHJETOR 2020 181 PERSONA

JANAR-DHJETOR 2021 197 PERSONA

Advertisement
REKLAMO NE REALNEWS +355 69 33 33 303