Kur zyrtarisht kemi hyrë në ditët e fundit të këtij viti dhe në çdo kamp apo skuadër, organizohet një festë simbolike për të bërë urimet me njërit tjetrin, edhe disa djem të thjeshtë që ndoshta askush nuk i njeh me emër të personalizuar, e kanë një të tillë.
Janë pikërisht ata që shumica prej nesh krenohen duke i parë aty të brohorasin në diell, shi, apo dhe breshër, pikërisht “TKZ”.
Grupimi i Kombëtares, po organizojnë mbrëmjen e sotme festën e tyre, pasi ky grupim dhe ky emër, mbush ditën e sotme plot 15 vjeç.
TKZ, vendosën që këtë 15 vjetor të tyre, ta festojnë në zemër të Shqipërisë, pikërisht në Tiranë, në Pallatin e Sportit “Asllan Rusi”.
Kujtojmë që ky eveniment mbahet çdo vit nga TKZ, në qytete të ndryshme të trojeve shqiptare. U bënë plot 15 vjet që nga koha kur u hap banderola për herë të parë në sfidën e Kombëtares.
Ata nuk reshtën asnjëherë pa përkrahur Shqipërinë, pavarësisht vështirësive që kanë hasur apo edhe largësisë kur ka luajtur Kombëtarja. (real-news.tv)
