2017-a viti i divorceve, në 1 ditë u ndanë 22 çifte

Family problem

Numri i martesave vitet e fundit në Shqipëri po vjen drejt rënies, ndërkohë që tjetër ritëm kanë divorcet, numri i të cilëve po rritet në mënyrë të frikshme. Referuar të dhënave nga Drejtoria e Përgjithshme e Gjendjes Civile, në vitin 2010 janë regjistruar 25,500 martesa. Në vitet në vazhdim numri i tyre është në nivelin rreth 22 mijë martesa në vit. Ndërsa në vitin 2018, deri në muajin Shtator janë regjistruar vetëm 16 mijë e 848 martesa.

Sipas të dhënave të Ministrisë së Drejtësisë, viti 2017 mban rekord për çështjes e zgjidhjes së martesës, ku janë regjistruar 7,956 divorce.

Pra gjatë një dite, në të gjitha gjykatat e vendit merret vendimi për ndarjen e 22 çifteve.

Krahasuar me shifrën e divorceve në 2013, rezultojnë 1,244 divorce më tepër. Ndërsa në harkun kohor të dhjetë viteve kemi një rritje me 1,847 zgjidhje martese. Po ashtu, koeficienti i numrit të divorceve për 100 martesa ka ardhur në rritje, pasi nga 14,8 divorce për 100 martesa në 2007,  në 25 në 2017.

Tirana vazhdon të kryesojë listën e numrit të divorceve, madje ky trend është në rritje. Pasi vetëm në vetëm në kryeqytet gjatë 9 muajve të fundit kanë kërkuar zgjidhjen e martesës 1687 persona, 110 më shumë se e njëjta periudhë e një viti më parë.

Pasojat negative të rritjes së numrit të divorceve në shoqëri janë të shumta, sidomos te fëmijët e prindërve të ndarë.

 

Lër një koment