Jo të gjithë miqtë vijnë në jetën tonë si burim paqeje dhe gëzimi, në fakt disa do tentojnë “të mbjellin” krejt të kundërtën e kësaj. Pjesa më e keqe është se shpesh nuk e kupton dot se sa toksike janë këta pseudomiq derisa arrijnë t’ju helmojnë. Ju mund ta mbroni veten duke mësuar më shumë rreth taktikave që njerëzit toksikë shpesh përdorin për të futur njerëzit në një rrjetë konfuze.
1.Procesi i manipulimit përmes situatave të cilat arrijnë të vënë në pikëpyetje idetë tuaja, virtytet apo aftësitë tuaja. E para është faza e mosbesimit, në të cilën individi toksik bën diçka që duket e çuditshme për ju. Kjo pasohet nga faza e mbrojtjes. Viktima reagon ndaj sjelljes së çuditshme, vetëm për t’u thënë që ata janë “shumë të ndjeshëm”. Ju mendoni se keni qene nismëtarët e gjithë kësaj situate “histerike” dhe gjithçka që ata kanë dashur e kanë arritur, ju kanë bërë të besoni se ju keni faj.
2. Një taktikë që përdorin miqtë toksikë për t’ju bërë të ndjeni keqardhje për ta ose për të dalë aty ku duan është përmes lojërave të fjalëve dhe kapërcimeve. A janë të përqendruar në atë ç’ka ju thoni, apo gjithmonë vendosen në qendër të botës, duke i kushtuar rëndësi vetëm asaj që ata duan? Nëse asnjëherë nuk ndiheni të mbështetur nga një person, ai nuk është thjesht egoist, por toksik, sepse mendon që vlen më shumë nga çdokush tjetër.