Pas ngjarjes tragjike të zbuluar ditën e sotme, policia në Britaninë e madhe ende po punon për identifikimin e 39 personave që u gjendën të pajetë brenda një kamioni i cili dyshohet se është nga Bullgaria dhe ka hyrë në Britani nga porti i Holyhead, në Uells, 300 milje larg nga vendi ku u identifikua nga autoritetet.
Policia e Essex ka ngritur një qendër të posaçme për të pranuar telefonata nga shtetas britanikë dhe të huaj, të cilët mund të jenë të shqetësuar për të afërmit e tyre.
Autoritetet nuk kanë mundur ende që të zbulojnë identitetet e viktimave, madje nuk japin informacion as për shtetin nga dyshohet se janë nisur.
/real-news.tv/