400 masakrat në Kosovë/Thaçi: Nuk u dënua askush edhe pas 20 vitesh

Presidenti i Kosovës, Hashim Thaçi tha se edhe pas 20 viteve, mbetët brengë për institucionet, që nga 400 masakra që janë bërë në Kosovë, nuk është dënuar ende askush.

Në 20 vjetorin e përkujtimit të masakrave në fshatrat Qyshk, Pavlan, Zahaq dhe Llabjan, kreu i shtetit tha se mosdënimi i autorëve të këtyre masakrave mbetet një brengë e madhe si për qytetarët e Kosovës ashtu edhe për bashkësinë ndërkombëtare.

Ai shtoi se në seancën e ardhshme të Kuvendit pritet të nxirret rezoluta që dënon krimet e kryera të Serbisë në Kosovë.