Nënkryetarja e LSI-së Kejdi Mehmetaj ka dalë sot para mediave ku përveçse ka uruar të gjithë të rinjtë që nisin vitin akademik, ka folur për një sërë problemesh me të cilat përballen të rinjtë.
Ajo akuzoi Ministrinë e Arsimit se pa kurrfarë përgjegjshmërie, një muaj përpara hapjes së konkursit ndryshoi “rregullat e lojës”, pra kriteret e pranimit duke lënë jashtë sistemit mijëra të rinj. Mehmetaj deklaroi se ky vendim, si edhe emigrimi masiv na kanë sjellë në situatën dëshpëruese ku rreth 5 fakultete e përafërsisht 85 degë studimi rrezikojnë të mbyllen.
Sipas saj, viti shkollor fillon me auditorë të boshatisur e të vetmet degë të kërkuara janë ato qe pajisin të rinjtë me profesione të kërkuara në Gjermani apo diku gjetkë në Europë.
