fbpx

Studim tronditës/Cilësia e gjumit, shkaktare e problemeve mendore

unnamed-2-47-730x440.jpg

Kohët e fundit është kryer një studim për të zbuluar se si gjumi i dobët mund të ndikojë në gjendjen mendore të një personi.

Pothuajse 330 njerëz midis moshës 18 dhe 50-vjeç u ekzaminuan gjatë studimit, dhe rezultatet u botuan në revistën profesionale ‘Nature Human Behaviour’.

Në pjesën e parë të studimit, shkencëtarët përdorën MRI dhe polisomnografinë (studimin e gjumit) për të matur valët e trurit në 18 të rritur, ndërsa shikuan disa video me ngarkesë emocionale. Pas rishikimit të videove, pjesëmarrësve të studimit iu kërkua të plotësonin një pyetësor që vlerësonte nivelet e tyre të stresit.

Shkencëtarët kanë zbuluar se pas gjumit të dobët gjatë natës, korteksi parafrontal medial në trurin e pjesëmarrësve, i cili kontribuon në lehtësimin e ankthit, nuk funksionon siç duhej.

Në të njëjtën kohë, ata zbuluan se qendrat emocionale “më të thella” të trurit ishin tepër aktive.

Rezultatet u përsëritën në një studim tjetër që përfshinte 30 njerëz në të njëzetat, tridhjetat dhe dyzetat. Në të njëjtën kohë, një studim në internet u krye për të matur cilësinë e gjumit dhe nivelet e ankthit te 280 të rinj dhe të moshës së mesme për një periudhë katër-ditore. Me këtë rast u dëshmua se gjumi i dobët rriti stresin emocional deri në 30 për qind.

Ndryshe, shumë adoleshentë midis moshës 12 dhe 18-vjeç duhet të flenë natën midis tetë dhe nëntë orë, ndërsa të rriturit midis 18 dhe 65-vjeç këshillohen të flenë shtatë deri në nëntë orë.

Një studim i kohëve të fundit zbuloi gjithashtu se gjumi i natës për më pak se gjashtë orë mund të dyfishojë rrezikun e vdekjes së hershme te njerëzit që vuajnë nga sëmundje kronike.

Efektet e pagjumësisë ditën tjetër ndjehen si lodhje. Lodhja është një fenomen fizik dhe psikologjik, që ndikon në përqendrimin, vëmendjen e dëmtuar dhe kujtesën. Një person i tillë gabohet më lehtë për punë, është i pasigurt dhe nervoz. Në të njëjtën kohë, toleranca ndaj stresit gjithashtu zvogëlohet.

Advertisement
REKLAMO NE REALNEWS +355 69 33 33 303