Rusia përjashtohet nga lojrat Olimpike 2020 dhe Botërori 2022

image_650_365.jpg

Agjencia Botërore Anti-Doping (WADA) ka përjashtuar Rusinë për katër vite nga të gjitha aktivitetet e mëdha sportive. Kjo do të thotë se ekipet ruse nuk do të lejohen të marrin pjesë në lojërat Olimpike të Tokios në vitin 2020 dhe në Botërorin e Katarit në vitin 2020.

Vendimi i WADA u mor në mënyrë unanime në Lozanë të Zvicrës pasi Agjensia Anti-Doping e Rusisë u shpall fajtore për manipulimin e të dhënave laboratorike që iu dorëzuan hetuesve në janar 2019.

Sportistët që do të mund të vërtetojnë se nuk janë përfshirë në skandalin e dopingut do të lejohen të garojnë nën një flamur por ky vendim duket se do të penalizojë më shumë përfaqësuesen e futbollit e cila mesa duket do ta ketë të pamundur të marrë pjesë në kampionatin e ardhshëm botëror.

Rusia do të ketë tani 21 ditë për të apeluar vendimin, çka do të thotë që përballja ligjore do të zgjasë edhe për disa muaj.

Advertisement
REKLAMO NE REALNEWS +355 69 33 33 303