Këngëtari i famshëm, R.Kelly po akuzohet për çështje të reja tashmë në Çikago, pasi sipas mediave të huaja ai ka abuzuar seksualisht me një viktimë të mitur përreth 4 vjet, që nga viti 1997 deri në 2001.
Të premten e 14 shkurtit është ngritur edhe akuza e re ndaj Kelly-t, në gjykatën federale të Çikagos, ku viktima e dyshuar ka dëshmuar se ajo ka qenë vetëm 14 ose 15 vjeç kur Kelly abuzoi me të.
Në dosjen e tij tregohen gjithashtu detaje të reja se Kelly, me emrin e tij të vërtetë, Robert Sylvester Kelly dhe i pandehuri Derrel McDavid e Milton Brown kishin tentuar të merrnin nga individët provat, ku zbulohej se Kelly ka abuzuar seksualisht me të miturit.