Aida Shtino tregon për herë të parë pse e mbylli emisionin “Njerëz të humbur”

Gazetarja Aida Shtino ka treguar për Dosja.al arsyet pse i kanë mbyllur emisionin “Njerëz të Humbur”.

Sipas saj emisionin e mbyllën ata që i cënonte direkt apo indirekt trasmetimi i një emisioni të tillë, i cili trajtonte histori nga më të ndryshmet. Ajo shprehet se është kërcënuar në forma dhe mënyra të ndryshme që të hiqte dorë nga kërkimi i njerëzve të humbur por thote se është bërë immune ndaj armiqëve.

Fatkeqësisht në Shqipëri gjërat me vlerë mbyllen, ndërpriten apo zhduken… Emisioni u mbyll në 2014.  E mbyllën ata që ndoshta i cënonte direkt apo indirekt trasmetimi i një emisioni të tillë, i cili trajtonte histori nga më të ndryshmet, investigonte në detaje, por që në thelb ju shërbente drejtpersedrejti njerëzve. Mënyra si e mbyllën, kërcenimet që më kanë bërë personalisht vazhdimisht në shumë forma e mënyra, ishte shumë degraduese për ata dhe jo për mua, sepse unë besoj dhe do të besoj në vlera dhe drejtesi derisa të kem jetë. Keto janë parimet që më kanë mësuar prindërit dhe gjyshërit e mi që në vogëli.

Ajo ka treguar më tej se armiq ka pasur gjithmonë dhe sipas saj janë ende sot duke e përndjekur edhe pse nuk është në ekran.

Është një fjalë e urte që thotë populli sa më e madhe të jetë anija aq më të mëdha janë dallgët. Pra sa më lart të ngrihesh aq më shumë armiq ke. Nuk njoh asnjë njeri që  s’ka armiq, pra sigurisht edhe unë kam e që ndoshta më “përndjekin” akoma , por unë jam bërë imun ndaj tyre, sepse nga natyra kam karakter shumë të forte dhe injoroj çdo përpjekje të tyre negative ndaj meje.