Ambasadorja amerikane Yuri Kim ka zhvilluar një takim virtual me kryebashkiaken në detyrë të Shkodrës, Voltana Ademin.
Në një postim në rrjetet sociale ambasadorja amerikane falenderon kryebashkiaken për masat e marra për t’i mbajtur qytetarët e Shkodrës të sigurtë dhe të shëndetshëm.
“Kënaqësi që takova (virtualisht) Voltana Ademin. Ju falenderoj që keni marrë të gjitha masat për t’i mbajtur qytetarët e Shkodrës të sigurtë dhe të shëndetshëm. Pres t’ju vizitoj nga afër sa më shpejt të jetë e mundur, por për momentin, të gjithë le të rrinë në shtëpi” shkruan Kim në Twitter.
Shkodra regjistroi një rast të ri infeksioni me koronavirus në 24 orët e fundit duke e çuar në 45 numrin e rasteve.