fbpx

Anija e Mbretërisë së Bashkuar në Ukrainë i dërgon mesazh Rusisë

uk-ship.jpg

Një luftanije e Marinës Mbretërore së Mbretërisë së Bashkuar e cila është dërguar në Ukrainë do të dërgojë një mesazh të fortë tek Presidenti rus Vladimir Putin, thotë sekretari i mbrojtjes i Mbretërisë së Bashkuar.

Luftanija HMS Echo u dërgua në Detin e Zi më parë këtë muaj, pasi Rusia kapi tre anije që i përkisnin flotës së Ukrainës së bashku me ekuipazhin e tyre.

Sekretari i Mbrojtjes Gavin Williamson ka vizituar anijen në portin e Odessa.

Ai tha se prania e anijes britanike tregon mbështetje për Ukrainën përballë agresionit në rritje të Rusisë.

“Do të pasohet nga anije të tjera luftarake si pjesë e një pranie më të qëndrueshme britanike”- tha ai.

NATO së fundi ka rritur operacionet e tij në Detin e Zi me patrullime luftarake në rritje.

Ka tensionet në rritje midis Rusisë dhe Ukrainës lidhur me aksesin në zonën jashtë brigjeve të Krimesë.

Krimeja dikur ishte pjesë e Ukrainës, por u aneksua nga Rusia në vitin 2014. Ukrainasit thonë se Krimeja mbetet territori i tyre.

Ai tha se anija ishte atje për t’i dërguar një mesazh Presidentit Putin se Britania qëndron në solidaritet me Ukrainën.

“Ajo që ne i themi Rusisë dhe Presidentit Putin është se nuk mund të vazhdojnë të veprojnë pa respekt apo kujdes për ligjet ndërkombëtare apo normat ndërkombëtare”, tha ai.

Sekretari i mbrojtjes takoi familjet e 24 marinarëve ukrainas të cilët ende janë duke u mbajtur në Rusi dhe tani janë në pritje të gjykimit në Moskë.

HMS Echo nuk pritet të lundrojë përmes Ngushticës së Kerçit pranë Krimesë – afër vendit ku marina ruse sulmoi dhe kapi tre anijet e Marinës së Ukrainës në nëntor.

Moska e ka përshkruar anijen e Marinës Mbretërore, e cila përdoret për të mbledhur të dhëna për oqeanin, si një anije që po përdoret për spiunim. /real-news.tv/

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *