Anija gjigante e mallrave prej tre ditësh e bllokuar në Kanalin e Suezit

Prej tre ditësh vijon e bllokuar anije gjigante transportuese me kontejnerë të shumtë “Ever Given”, në mënyrë diagonale në Kanalin e Suezit. Mediat e huaja bëjnë me dije se se autoritette vendase po bëjnë të pamundurën për të  rihapur trafikun detar që ka rëndësi të madhe për tregti mes Lindjes dhe Perëndimit.“Ever Given” që bartë flamurin e Panamasë transporton mallra nga Azia në Evropë, e është 400 metra e gjatë dhe rreth 60 e gjerë. Ajo ka ngecur në kanalin e ngushtë artificial që ndanë kontinentin e Afrikës me ishullin Sinajsk. Anija është në pronësi të kompanisë japoneze Shoei Kisen që ka bllokuar trafikun ujor në kanal – duke i lënë në pritje dhjetëra anije tjera në Mesdhe dhe Detin e Kuq.Pjesa e pasme e anijes prek murin lindor të kanalit, derisa hunda ka goditur murin e pjesës perëndimore. Kjo ngjarje ka ndodhur pas 150 viteve histori të këtij kanali. Menaxhmenti i kanalit ka vënë në punë disa anije që po tentojnë ta “lirojnë” anijen gjigante, përfshirë këtu edhe ekskavatorë që po gërmojnë mbi 20 mijë kube metër rërë.Deri më tani ata kanë arritur të pastrojnë terrenin përreth anijes. Megjithatë edhe sot anija po vazhdon të qëndrojë në pozicionin e njëjtë. Bllokimi i saj ka shkaktuar probleme globale në tregti. Përmes këtij kanali kalojnë rreth 10 për qind e mallrave në botë që transportohen nëpër vende të ndryshme, e rëndësi të veçantë ka për transportimin e naftës.