Atentati ndaj prokurorit Ndoja/ Avokati i Redjan Rrajës bën lëvizjen e befasishme

Pasi avokati i Redjan Rrajës apeloi masën e sigurisë dhe i kërkoi gjykatës së Apelit për Krimet e Rënda të lironte 34-vjeçarin, i arrestuar për atentatin në Shkozet, Gjykata e Apelit për Krimet ka hedhur shortin dhe ka caktuar gjyqtaren Albana Boksi.

Në datën 20 nëntor, Boksi do shqyrtojë kërkesën e Redjan Rrajës, të riun nga Nikla që ra në pranga pas atentatit në një nëntor ku ngeli i plagosur prokurori Arjan Ndoja si edhe Aleksander Laho ( i njohur si Rrumi) , si dhe u plagos rëndë dhe ndërroi jetë në spital edhe  drejtuesi i mjetit, Andi Maloku

Avokati i Redjan Rrajës, Besnik Çerekja, kërkon lirimin e klientit të tij me argumentit e mungesës së provave . Avokati e konsideron arrestimin e Rrajës të paligjshëm.