Avokati Spartak Ngjela deklaratë të fortë: Edi Rama të japë dorëheqjen, sot atij i ka rënë shteti

rama-ngjela.jpg

Avokati Spartak Ngjela ka reaguar me tone të ashpra ndaj skandalit me publikimin e pagave ndërsa tha se Kryeministri Edi Rama duhet të japë dorëheqjen.

POSTIMI I PLOTË

Sapo dëgjova konferencën e shtypit të kryeministrit të Shqipërisë. Flet sikur të jetë një njeri i thjeshtë i popullit.

Nuk ka kuptuar asgjë. Sot atij i ka rënë shteti; sepse 650 mijë shqiptarë janë dhunuar në pikën më të dobët të ekzistencës së tyre.

Kryeministrit i ka rënë shteti; kurse ai bën një avokati vulgare, duke thënë se do të përmirësojmë sistemin; dhe se kjo ka ndodhur kudo në vende të ndryshme të Perëndimit. Turp! Mbrojtje vulgare.

Duhet të japë dorëheqjen. Nuk ka siguruar jetën ekonomike të qytetarëve të tij; që është sekret i njohur me ligj.

Edi Rama, që nga sot nuk është më kryeministër i shqiptarëve të dhunuar.

Duhet të japë dorëheqjen.

Nën një dhunim të tillë që iu bë shqiptarëve masivisht, përgjegjësi është shefi i qeverisë me të gjithë qeverinë.

Vlera e një kryeministri është garantimi i jetës shoqërore të shqiptarëve.

Mosgarantizmi i kësaj jete është krim.

Kurse kryministri flet sikur nuk ka qenë kryeministri i këtij vendi.

Zoti kryeministër! Qenia kryeministër nuk është privilegj, por është përgjegjësi!

Advertisement
REKLAMO NE REALNEWS +355 69 33 33 303