fbpx

Bajerni i Mynihut shpallet kampion i Gjermanisë për herë të 29-të

Screenshot_2-4.png

Nuk ka më histori, nuk ka më shanse për Borusian e Dortmundit që të rikuperojë! Bundesliga ul siparin dhe titulli shkon në Bavari me Bajernin e Mynihut që kurorëzohet për herë të 29-të në historinë e tij kampion i Gjermanisë.

Ky është titulli i parë për Robert Kovaç si trajner, që pavarësisht suksesit, mund të mos i jepet besim për sezonin e ardhshëm.

Ky është dhe titulli i fundit për një brez lojtarësh që në Bavari janë shndërruar në legjenda, mbi të gjitha për dyshen Riberi-Roben, idhuj të tifozërisë bavareze.

Ky vit do të mbahet mend gjatë nga tifozët e Bajernit, që kanë shijuar një përmbysje të pabesueshme ndaj Borusias së Dortmundit, me bavarezët që mbyllën kampionatin në javën e fundit me +2 pikë nga rivalët verdhezinj.

Bajerni mposhti në “Allianz Arena” 5-1 Ajntrahtin e Frankfurtit, duke e mbyllur sezonin me 78 pikë, 2 më shumë sesa Borusia që nga ana e saj mposhti “adashen” nga Gladbahu me rezultatin 2-0.

Padyshim, tifozëve bavarezë u kanë shijuar më shumë golat e Frank Riberis dhe Arjen Robenit, që lanë shenjën e tyre dhe në ndeshjen e fundit të titullit kampion.

Advertisement
REKLAMO NE REALNEWS +355 69 33 33 303