Balerini shqiptar rrëfen për herë të parë si e bëri për vete moderatoren e njohur dhe planet e tyre për martesë: Ishte e vështirë!

640-0-60bcc2ba6cc0f.jpg

Një ndër çiftet më të rinj të showbizit shqiptar, balerini Graciano Tagani dhe moderatorja e njohur e ‘Top Channel’, Argjira Spanca kanë rrëfyer për herë të parë detaje nga lidhja e tyre e dashurisë.Ata rrëfyen gjithçka që nuk kemi ditur për marrëdhënien e tyre, duke nisur me njohjen. Argjira tregoi se në fillim ata ishin miq të mirë, por më pas gjërat kanë marrë tjetër drejtim.

 “Kur unë erdha në Tiranë filluam që të flisnim, sepse unë Gracianon e njihja që më herët. Unë dhe Graciano kemi qenë shok shumë të mirë vite më parë, pastaj kur erdha unë në Tiranë për punën, filluam të ndërronim pak stilin dhe filluam të shoqëroheshim pak më shumë se sa dy miq”, tha ajo.

Nga ana tjetër, Graciano u shpreh se që në momentin e parë që e ka parë Argjirën ishte i bindur se ajo do ishte e tij:

“Që në momentin e parë që e kam parë kam menduar kjo do jetë e imja, por ishte e vështirë, sepse kjo ishte në Kosovë dhe ishte një lidhje që e dija që nuk do funksiononte dhe i thosha vetes pse torturohesh se kjo gjë nuk do eci. Pastaj thashë kjo është dashuria e vërtetë ti do luftosh, bëra hilet e  mia derisa erdhi këtu ku erdhi”.

Ata u pyetën dhe rreth planeve të dasmës, por u shprehën se nuk e kanë shumë me qejf.

“Ne nuk kemi ndonjë fis të madh të bëjmë dasmë të madhe. Gjira nuk i ka qejf këto gjëra dhe shyqyr se më ka kursyer ca lekë me këtë rast. Jemi shumë rehat, nëse do vij do vij natyrshëm dhe më shumë për të mbledhur miqtë”, tregoi Graciano.

REKLAMO NE REALNEWS +355 69 33 33 303