fbpx

Basha i përgjigjet Ramës: Për 8 vjet mashtrime e varfëri fajin nuk e ka BE-ja

Screenshot_30-5.jpg

Kreu i Partisë Demokratike, Lulzim Basha, reagon pas sulmeve të përsëritura të kryeministrit Edi Rama ndaj vendeve të Bashkimit Evropian, pasi nuk mbështetën Ballkanin Perëndimor me vaksinat anti-Covid.

Përmes një mesazhi në “Facebook”, Basha thekson se “Rama po fajëson të tjerët për qeverinë më të keqe në historinë e Shqipërisë”. Sipas kryedemokratit, BE BE ka qenë dhe është pranë nesh në ditë të mira e të vështira.

Shqipëria ka numrin më të lartë të bizneseve të mbyllura në rajon, ka numrin më të lartë të qytetarëve që humbën vendin e punës, ka ndihmën më të vogël ekonomike që një qeveri ka dhënë për qytetarët e saj, ka hajdutërinë më të lartë në Europë ndërsa Tirja në krye të qeverisë si asnjë kryeministër tjetër vazhdon të sulmojë BE-në. Për 8 vjet mashtrime, dështime, vjedhje, varfëri fajin nuk e ka BE-ja, fajin e ka Tirja i qeverisë që i vjedh shqiptarët dhe u mohon edhe bukën e fëmijëve. Edhe një herë Rama fajëson të tjerët për qeverinë më të keqe në historinë e Shqipërisë. BE ka qenë dhe është pranë nesh në ditë të mira e të vështira. Mirënjohja e shqiptarëve nuk do të mungojë kurrë. Pas 25 prillit ne do ta rikthejmë Shqipërinë në rrugën e duhur drejt destinacionit tonë të vetëm që është integrimi në BE.

Advertisement
REKLAMO NE REALNEWS +355 69 33 33 303