Kryedemokrati Lulzim Basha ka uruar Shtetet e Bashkuara të Amerikës në 245 vjetorin e Pavarësisë së saj.
Basha gjatë një postimi në rrjetet sociale është shprehur “se të gjithë njerëzit janë të barabartë”. Krahas postimit kreu i PD-së ka vendosur edhe dy flamujt e dy kombeve, të Shqipërisë dhe SHBA-ve.
“Gëzuar ditën e Pavarësisë.‘Ne i mbajmë këto të vërteta si të vetëkuptueshme, se të gjithë njerëzit janë krijuar të barabartë, se ata janë pajisur nga Krijuesi me të drejta të patjetërsueshme, se midis këtyre të drejtave janë Jeta, Liria dhe kërkimi i Lumturisë’”, shkruan Basha.
