fbpx

Bashkëshortja e Will Smith, pranon se ka pasur një lidhje me këngëtarin e njohur gjatë kohës që ishte e martuar

Lajmi se Jada Pinkett Smith ka qenë në një lidhje me këngëtarin e njohur gjatë kohës që ishte e martuar dhe bashkëshorti i saj Will i ka dhënë leje, bëri xhiron në mediat e shtypit rozë.

Për të sqaruar të gjitha lajmet që po qarkullojnë prej ditësh, Jada dhe Will Smith u ulën përballë njëri-tjetrit në “Red Table Talk”, duke diskutuar gjithçka që kishte ndodhur asokohe.

Çifti, i cili është martuar që prej vitit 1997, pohoi se po kalonin një periudhë të vështirë së bashku dhe pavarësisht se me letra ishin bashkë, ata ishin ndarë.

Jada tregoi se po merrte kohën e duhur për të rikuperuar veten ndërsa Will ndihej i lodhur nga partnerja.

Siç u tha në “Page Sig”, partnerja e aktorit u njoh me këngëtarin August Alsina në gusht të vitit 2015, pasi i prezantoi djali i çiftit, Jaden.

Jada pranoi se kaloi shumë kohë pranë Alsina-s dhe madje shijuan pushimet së bashku, duke konfirmuar se ata kishin pasur edhe një lidhje dashurie.

Mirëpo, në asnjë moment Jada dhe Will nuk pranuan se ky i fundit ishte në dijeni të lidhjes dhe kishte dhënë miratimin e tij.

Çifti u shpreh se nuk i detyroheshin askujt shpjegime për jetën personale, mirëpo ky rrëfim duhej për të qartësuar zërat që po flisnin prej kohësh.