fbpx

BE miraton Christine Lagarde në krye të Bankës Qendrore Evropiane

legarde.jpg

Liderët e vendeve anëtare të Bashkimit Evropian (BE) miratuan emërimin e Christine Lagarde në krye të Bankës Qendrore Evropiane (BQE).

Në samitin e liderëve të BE-së në Bruksel thuhet se është marrë vendimi që Lagarde të emërohet në postin e presidentes së BQE-së duke filluar që nga 1 nëntori. Mandati i saj do të jetë 8 vite.

Më parë liderët e vendeve anëtare të BE-së në bisedimet e zhvilluara ishin dakorduar që presidentja e Fondit Monetar Ndërkombëtar (FMN), Christine Lagarde, të emërohej si presidente e BQE-së në vend të Mario Draghi, detyra e të cilit do të përfundojë.

Për shkak të kandidimit në pozicionin e presidentes së BQE-së, Lagarde ka dhënë dorëheqje nga detyra e saj në FMN.

Lagarde ishte presidentja e parë femër e FMN-së. Ajo ka qenë në këtë detyrë që nga viti 2011. Lagarde gjithashtu do të jetë presidentja e parë femër në krye të BQE-së.

Advertisement
REKLAMO NE REALNEWS +355 69 33 33 303