Berati mes 5 qyteteve europiane të paprekura nga turizmi masiv

A keni vizituar tashmë të gjitha kryeqytetet e mëdha evropiane apo doni të merrni disa pushime të tjera për të zbuluar vende që ende nuk janë prekur nga turizmi masiv? Këtë pyetje e shtron FOX Italia, për të gjithë të apasionuarit e turizmit, sidomos atyre që tërhiqen nga vende të paeksploruara apo pak të njohura.

Në Evropë, zgjedhja e destinacioneve është e lehtë, pasi aksesi në aeroporte është i gjerë, shkruan media ndërkombëtare.

“Ju mund të merrni një pushim në Riga, që konsiderohet si Parisi i Veriut për përqendrimin e lartë të arkitekturës së bukur dhe muzeve, ose të zgjidhni për një pushim të relaksuar për në zona me spa, e ndërtuar në kohët romake. Alternativa të tjera mund të jetë një vizitë në Kotorin piktoresk dhe për të vështruar Detin Adriatik ose për të parë fiordat norvegjeze që rrethojnë Bergenin e bukur.” shkruhet në artikullin e botuar disa ditë më parë.

Në këtë listë, Berati nuk mund të mungonte, një destinacion shqiptar i aftë të mrekullonhte për arkitekturën e tij piktoreske dhe për shembullin e bashkëjetesës paqësore mes grupeve të ndryshme etnike dhe feve.

Sipas Fox Italia, 5 qytetet evropiane që ende kanë shpëtuar nga turizmi masiv:

  1. Riga, Letoni
  2. Kotor, Mali i Zi
  3. Bath, Angli
  4. Bergen, Norvegji
  5. Berat, Shqipëri

Berat, një bashkim harmonik i kulturave

Berati është një nga qytetet më të vjetra shqiptare, vlerësohet se lindja e saj daton që nga shekulli i katërt para Krishtit dhe ndodhet përgjatë lumit Osum. Ky vend piktoresk mund të konsiderohet si një gur i çmuar për t’u vizituar për pamjen e pabesueshme të shtëpive të bardha të stilit osman dhe kështjellës që e mbikëqyr atë. Berati është gjithashtu një demonstrim se si fetë e ndryshme mund të bashkëjetojnë në një qytet të vetëm, në paqe dhe harmoni. Në zonën e Goricës, kryesisht janë të përqendruar të krishterët, ndërsa në zonën e Mangalemit, e cila gjendet pak më poshtë kështjellës, shumica e banorëve janë muslimanë. Sidoqoftë, në të dy rrethet, është e mundur të admirojmë kisha dhe xhami si dëshmi se bashkëjetesa midis feve është e mundur.

Si të arrini në Berat: mënyra më e përshtatshme për të shkuar në Berat është të blesh një fluturim të drejtpërdrejtë në Tiranë dhe pastaj të marrësh me qira një makinë private. Distanca midis Tiranës dhe Beratit është rreth 130 km për të udhëtuar në rrugë me kushte të kënaqshme. Ku të flini në Berat: në këtë qytet nuk ka shumë objekte akomodimi, këshilla është që të qëndroni në Hotel Mangalemi të vendosur në një ndërtesë historike në qytetin e vjetër, përgjatë rrugës që të çon në Kështjellë. Ky hotel është i pajisur me të gjitha kushtet bazike dhe u ofron vizitorëve të saj një atmosferë unike dhe të magjepsur, në restorantin e saj është gjithashtu e mundur të shijoni enët tipike shqiptare. /Monitor

Lër një koment