Autoritetet shëndetësore në Greqi raportuan se brenda 24 orëve janë infektuar 315 qytetarë.
Gjithashtu, si pasojë e koronavirusit, 7 pacientë kanë humbur jetën nga COVID-19.
Autoritetet bëjnë me dije se numri i viktimave që nga fillimi pandemisë ka arritur në 376.
Ndërkohë 68 persona janë të intubuar.
Ming-chi Kuo, një analist në monitorimin e zinxhirit të furnizimit të Apple, tha se po vijnë shumë më tepër porosi për iPhone 12 sesa pritej. Ai shtoi se diferenca midis iPhone 12 dhe modelit Pro është më e vogël se sa që ishte në modelet e kaluara. Modeli Pro ka një fund të ndryshëm, më shumë RAM, një lente kamere shtesë dhe një sensor LiDAR, por përndryshe është shumë i ngjashëm me iPhone 12, që është më i lirë në çmim. Prandaj ka shumë kërkesa për modelin e parë. I pyetur për iPhone 12 Mini, ai tha se ky model […]
Sot rreth orës 18:50, në fshatin Halilaj, Lushnjë, shtetasi V. B., 54 vjeç, banues në fshatin Verri, Fier, duke drejtuar një motomjet, është përplasur me motomjetin me drejtues shtetasin F. K., 43 vjeç, banues në Halilaj. Si pasojë e përplasjes ka ndërruar jetë shtetasi V. B., dhe është dëmtuar shtetasi F. K., i cili ndodhet në Spitalin Lushnjë jashtë rrezikut për jetën. Grupi hetimor po punon për zbardhjen e plotë të ngjarjes.
Klubi i Prodhuesve të Kosovës kërkoi nga Qeveria lirim nga Tatimi për Vlerën e Shtuar (TVSH) për blerje të produkteve dhe shërbimeve vendore. Në komunikatën e lëshuar për media thuhet se “një masë e tillë do t’i inkurajonte blerjet e prodhimeve vendore, do të stimulonte konsumin dhe do t’i ndihmonte punëtorët në fabrika që t’i ruajnë vendet e tyre të punës, në këtë kohë të pandemisë”. TVSH-ja është tatim që i ngarkohet konsumatorit në mallra dhe shërbime, pa marrë parasysh origjinën e tyre. Nga viti 2015, në Kosovë janë të përcaktuara dy norma të TVSH-së: norma standarde 18 për qind […]
Maska është bërë një domosdoshmëri për të shmangur përhapjen e koronavirusit. Por, për shkak të përdorimit të vazhdueshëm, ajo mund të shkaktojë acarime në lëkurë, veçanërisht kur është e ndjeshme. Është e nevojshme t’i kushtohet vëmendje lëkurës sidomos pasi materialet me të cilat janë bërë si poliesteri ose pëlhura jo të endura mund të shkaktojnë irritim. Para së gjithash është mirë të pastroni fytyrën çdo mëngjes me një produkt delikat, të zgjedhur sipas llojit të lëkurës. Pastaj vendosni një krem hidratues duke i kushtuar vëmendje vendeve përreth maskës. Rekomandohet të përdorni aloevera, pasi kjo bimë ka veti anti-inflamatore dhe hidraton […]
Një ngjarje e rëndë ka ndodhur pasditen e sotme në qendër të Kryeqytetit. Mësohet se një 30-vjeçare ka dëmtuar veten duke prerë damarët. Policia njofton se ngjarja e rëndë ka ndodhur në Bulevardin “Dëshmorët e Kombit”. Vajza është transportuar për në spital dhe ndodhet në kujdesin e mjekëve, ndërsa policia është duke vijuar punën për zbardhjen e plotë të ngjarjes.
Autoritetet shëndetësore në Maqedoninë e Veriut kanë raportuar se në 24 orët e fundit janë konfimruar 408 raste të reja me koronavirus dhe kanë humbur jetën 4 persona. Ministria e Shëndetësisë bëri të ditur se prej rasteve të reja 227 janë në Shkup, 12 Kumanovë, Shtip 15, Prilep 4, Tetovë 34, Strugë 5, Veles 15, Manastir 23, Kavadar 4, Gostivar 2, Strumicë 18, Kriva Pallankë 6, Radovish 7, Koçan 4, Demir Hisar 4, Pehçevë 2, Berovë 2, Vinicë 1, Dellçevë 1, Sveti Nikole 3, Kërçovë 6, Resnjë 1 dhe Negotinë 2. Brenda 24 orëve janë shëruar 280 pacientë dhe katër […]
Ditën e diel, drejtori i Qendrës për Kërkime të Sëmundjeve Infektive në Universitetin e Minesotës, Dr. Michael Osterhom ka paralajmëruar se tre muajt e ardhshëm mund të jenë muajt më të errët të gjithë pandemisë “Gjashtë deri në 12 javët e ardhshme do të jenë më të errëta e të gjithë pandemisë”, thotë ai. Osterholm ka thënë se me vaksinat nuk do të bëhen të jenë gati në asnjë mënyrë deri në fillim të tremujorit të tretë të vitit të ardhshëm. Siç kishte raportuar më parë Business Insider, gara për të krijuar një vaksinë COVID-19 tashmë ka tejkaluar rekordet për […]
Kreu i Partisë Demokratike Lulzim Basha ka zhvilluar sot një takim me ministrin e Jashtëm grek Nikos Dendias, i cili ndodhet në Tiranë për një vizitë zyrtare. Me anë të një postimi në rrjetet sociale, Basha ka zbardhur takimin me kryediplomatin grek. “Sot pata kënaqësinë të takohem me ministrin e jashtëm të Greqisë Nikos Dendias. Gjatë bisedës, nënvizuam domosdoshmërinë që në frymën e mirëkuptimit dhe respektit reciprok, të zgjidhim çështjet e mbetura pezull dhe të intensifikojmë bashkëpunimin dypalësh në të gjitha fushat, përfshirë edhe lehtësitë për shqiptarët që jetojnë e punojnë në Greqi. Riktheksova qëndrimin e shprehur prej 10 vitesh, […]
Ambasada Shqiptare në Greqi ka bërë një njoftim të rëndësishëm në lidhje me të gjithë emigrantët që kanë aplikuar për t’u pajisur me dokumente biometrike. Nëpërmjet një postimi në Facebook, ambasada ka njoftuar se dokumentet do të shpërndahen me shërbim postar, brenda rajonit të Atikës. “Qytetarët shqiptarë në përfundim të procedurës në sportelin e aplikimit kanë mundësinë e plotësimit të një deklarate me përgjegjësi mbi adresën e saktë të banimit dhe pranimin për tërheqjen e dokumenteve biometrikë me anë të shërbimit postar.”, thuhet në njoftim. NJOFTIMI I AMBASADËS Ambasada e Republikës së Shqipërisë në Athinë njofton të gjithë bashkëatdhetarët […]
Një zonë e Alpeve në jug të Gjermanisë është futur në izolim total, për të frenuar përhapjen e koronavirusit. Landi Berhtesgadener, në kufi me Austrinë, është rajoni i parë gjerman që futet në izolimin e dytë, që nga izolimi mbarëkombëtar në pranverë. Të 105,000 banorët e tij do të lejohen të dalin nga shtëpitë vetëm për arsye të domosdoshme, gjatë dy javëve të ardhshme. Sikurse pjesa më e madhe e Evropës, Gjermania është duke u përballur me rritje të mprehtë të rasteve me koronavirus. Por, situata mbetet më pak e rëndë sesa në vendet e tjera të mëdha të Evropës […]
Çdo ditë e më shumë rritet tensioni mes Greqisë dhe Turqisë. Mësohet se mëngjesin e sotëm anija turke “Oruc Reis” u afrua në një distancë edhe më të shkurtër, 8-9 milje nga ishulli grek Kastellorizo. Gjithashtu mësohet se aty po e prisnin forcat e armatosura greke, të gatshme për gjithçka. Mediat greke kanë publikuar edhe fotot e momentit kur “Oruc Reis” u afrua mjaft afër Kastellorizo.
Presidenti i Ukrainës, Volodymyr Zelenskiy, tha se ata që kanë lejuar Rusinë ta aneksojë ilegalisht Krimenë, në vitin 2014, duhet të mbahen përgjegjës. Në një adresim vjetor para parlamentit, Zelenskiy nuk përmendi askënd me emër, por duket se aludoi te zyrtarët që morën pushtetin pas protestave anti-qeveritare në Ukrainë, që çuan në rrëzimin e presidentit pro-rus, Viktor Yanukovych, në fund të shkurtit, 2014. “Ata që hoqën dorë nga Krimea pa luftë, duhet të mbahen përgjegjës”, tha Zelenskiy, për të shtuar se qeveria e tij është duke bërë “gjithçka të mundur” për ta rikthyer rajonin nën kontrollin e Ukrainës. “Jemi duke […]
Një aksident ka ndodhur në rrugën “Tre Dëshmorët” në kryeqytet. Mjeti motorr me drejtues K.N. ka përplasur këmbësoren 75-vjeçare e cila ndodhet në spital nën kujdesin e mjekëve. Drejtuesi i motorit u shoqërua në Komisariatin e Policisë nr.6 për veprime të mëtejshme. Informacioni i Policisë Tiranë/Informacion paraprak Më datë 20.10.2020, rreth orës 17:40, në rrugën “Tre Dëshmorët”, mjeti motorr me drejtues K.N., ka aksidentuar këmbësoren shtetasen V.Z.,75 vjeçe, e cila u dërgua në spital, dhe ndodhet nën kujdesin e mjekëve. Drejtuesi i mjetit u shoqërua në Komisariatin e Policisë Nr.6, për veprime të metejshme. Grupi hetimor ndodhen në vendngjarje dhe […]
Në të gjithë rajonin e Ballkanit koronavirusi ka shpërthyer frikshëm por një vend që ka shifra vërtet të rënda është Greqia. Vetëm në 24 orët e fundit janë regjistruar 667 raste të reja. Rritja është shumë e ndjeshme në krahasim me një ditë më parë që ishin 438 raste pozitivë. 45 nga personat e infektuar u zbuluan pas kontrolleve në hyrjet vendit fqinj nga pikat kufitare. Të infektuarit janë karantinuar. Nga fillimi i pandemisë janë 528 personat që e kanë humbur betejën me covid19.
Kur filloni për herë të parë, humbja e peshës mund të duket si një detyrë madhështore. Edhe nëse doni të humbni vetëm disa kile, përsëri duhet të eliminoni disa zakone të këqija dhe të zgjidhni disa të reja. Sidoqoftë, nuk keni nevojë të ndiheni të frikësuar nga humbja e peshës nëse doni të jeni të suksesshëm. Ju duhet vetëm një plan i mirë. Ndiqni këto tri këshilla për të arritur qëllimet tuaja: Merrni vitaminat dhe ushqyesit e duhur Dieta nuk ka të bëjë vetëm me numërimin e kalorive, por gjithashtu ka të bëjë me ushqimin e duhur për trupin tuaj. […]
Pas rritjeve të ndjeshme të rasteve me COVID-19 në vendin tonë, ambasada amerikane ka vendosur të dhurojë 60 respiratorë për sistemin tonë shëndetësor. Përmes një postimi në Facebook, ambasada e SHBA-së shkruan se dorëzimi në Shqipëri i respiratorëve të prodhuar në Amerikë nga stoku i Aleancës tregon përkushtimin e Shteteve të Bashkuara ndaj lidhjes sonë transatlantike. “Aleatët e NATO-s qëndrojnë të bashkuar në luftën kundër COVID-19. Dorëzimi i sotëm në Shqipëri i 60 respiratorëve të prodhuar në Amerikë nga stoku i Aleancës tregon përkushtimin e Shteteve të Bashkuara ndaj lidhjes sonë transatlantike dhe bashkimin e vërtetë të NATO-s përballë sfidave […]
Këshilli i Emërimeve në Drejtësi në mbledhjen e zhvilluar sot ka hedhur një tjetër hap drejt emërimet të anëtarëve të rinj në Gjykatën Kushtetuese për ta bërë këtë institucion funksional. Sot u hodh shorti për caktimin e relatorëve për ndjekjen e procedurave të verifikimit, vlerësimit, pikëzimit dhe renditjes së kandidatëve për vendet e lira në gjykatën Kushtetuese, konkretisht pas largimit të Besnik Imerajt dhe Fatos Lulos. Vendet vakante në Gjykatën Kushtetuese dhe kandidatët Vendi vakant pas largimit të Besnik Imerajt Relatore anëtare e KED: Vitore Tusha Këshilltar: Sajmir Nazifi Kandidati: Orkida Totojani, Altin Binaj, Aldona Sylaj Këshilltar: Besmir Rapaj […]
Kryeministri Edi Rama edhe përmes një postimi në rrjetet sociale ka konfirmuar vendimin e komunikuar edhe në takimin me ministrin e Jashtëm grek Nikos Dendias. Rama shkruan se në takimin me Dendias ka rënë dakord që për çështjen e detit t’i drejtohemi Drejtësisë Ndërkombëtare. “Me ministrin e jashtëm të Greqisë, Nikos Dendias, ramë dakord që për çështjen e detit t’i drejtohemi Drejtësisë Ndërkombëtare, ndërkohë që jemi më afër se asnjëherë heqjes së Ligjit të Luftës, çka përbën edhe një kthesë përfundimtare në historinë e marrëdhënieve tona”, shkruan Rama.
19-vjeçarja shqiptare Artemis Vasili prej pesë ditësh vijon që të jetë e zhdukur, ndërsa policia greke dhe familja ende nuk kanë rënë në gjurmët e saj. Vajza u zhduk të premten në Koropi, teksa familjes i kishte thënë se po shkonte për të dhënë një intervistë pune, por nuk u kthye më. Mediat greke citojnë disa dëshmitarë që janë shprehur se e kanë parë vajzën shqiptare në një gjendje të keqe psikologjike. Vajza është parë duke qarë e vetme në një rrugë kryesore të Athinës. Tre janë dëshmitë. Konkretisht të shtunën në mëngjes një grua tha se e pa vajzën […]
Këtë të martë është bërë imundur riatdhesimi i 25 shtetasve shqiptarë që kishin kërkuar azil në Francë. Sipas policisë riatdhësimi i tyre është bërë në kuadër të operacionit të zhvilluar në bazë të një marrëveshjeje me autoritetet përkatëse të BE-së, me të cilët janë bashkërenduar veprimet. “Vijojnë operacionet e riatdhesimit të shtetasve shqiptarë që kanë kërkuar azil në zonën Schengen. Gjatë ditës së sotme janë riatdhesuar nga Lille, Francë, 25 shtetas shqiptarë që kishin kërkuar azil në Francë. Ky operacion është zhvilluar në bazë të një marrëveshjeje me autoritetet përkatëse të BE-së, me të cilët janë bashkërenduar veprimet. Çdo grup […]
