Një ngjarje e rëndë ndodhi mbrëmjen e djeshme në Shkodër ku lokali i efektivit të forcave ‘Shqiponja’ u sulmua me breshëri plumbash.
Mësohet se biznesi është në pronësi të një efektivi të ‘Shqiponjës’, Albert Pjetri, i cili nuk e ka komentuar ngjarjen.
Nga burimet bëhet me dije se katër persona janë shpallur në kërkim në lidhje me sulmin me armë në lokalin e punonjësit të Forcave Shqiponja, Albert Pjetri në Shkodër.
Mësohet se kërkim nga policia janë shpallur shtetasit; R. P, O. P, B. P dhe M. Sh.
Në vendin e ngjarjes u gjeten e sekuestruan në cilësinë e provës material, në afërsi të lokalit 33 gëzhoja. Sipas burimeve mësohet se efektivi i policisë ditët e fundit ka ndaluar teksa ka qenë në shërbim shtetasin Rivaldo Planaj. Ky i fundit ka tentuar që të mos i bindet policisë dhe ka debatuar me efektivin Pjetri i cili i ka sekuestruar makinën.
Efektivi Albert Pjetri ka deklaruar për kolegët e tij të policisë këtë konflikt të ndodhur me shtetasin Rivaldo Planaj por nga ana tjetër nuk e ka akuzuar drejtpërdrejtë se mund të jetë ai autori i ngjarjes por vetëm ka rrëfyer ketë konflikt për shkak të detyrës si efektiv i Shqiponjave. Si bashkëpunëtorë mendohet se janë edhe tre shtetas te tjerë në këtë ngjarje të cilët kanë qenë me një makinë në momentin kur është qëlluar në drejtim të lokalit dhe makinës.