fbpx

Britani/ Hapja e parlamentit pas zgjedhjeve, Mbretëresha e pranishme

queen-boris.jpg

Mbretëresha do të përcaktojë axhendën e qeverisë Konservatore për vitin e ardhshëm pas fitores vendimtare të Konservatorëve në zgjedhjet e javës së kaluar.

Legjislacioni për të nxjerrë Mbretërinë e Bashkuar nga BE në 31 Janar do të jetë në mesin e më shumë se 20 projektligjeve që do të bëhen publike gjatë hapjes së Parlamentit të enjten.

Masat e tjera përfshijnë garanci për financim shtesë të shërbimit shëndetësor dhe dënime më të gjata për kriminelët e dhunshëm.

Kryeministri, Boris Johnson, thotë se dëshiron të bashkojë Mbretërinë e Bashkuar dhe “të rrisë” mundësitë.

Qeveria njoftoi tha se një program ambicioz i reformave të brendshme “të gjera” do të vihej para deputetëve, duke vënë theksin te arsimi dhe infrastruktura midis përparësive të tjera.

Hapja Shtetërore e së enjtes do të shohë më pak madhështi se zakonisht, siç ishte rasti herën e fundit kur u mbajtën zgjedhjet e parakohshme në 2017.

Mbretëresha do të udhëtojë me makinë nga Pallati Buckingham në Parlament dhe jo me karrocë me kalë.

Ajo dhe Princi i Uellsit, i cili e ka shoqëruar atë që kur Duka i Edinburgh u tërhoq nga detyrat mbretërore në 2017, nuk do të veshin veshje ceremoniale.

Advertisement
REKLAMO NE REALNEWS +355 69 33 33 303