Ambasada e Britanisë së Madhe në Kosovë, ka reaguar ndaj deklaratave të Presidentit të Serbisë, Aleksandar Vuçiç për flamurin kuqezi në zyrën e Albin Kurtit, gjatë takimit që ai pati me ambasadorin britanik.
Në reagimin e saj, ambasada britanike thotë se puna e tyre e vetme është që të punojnë me udhëheqës politikë në Kosovë.
“Një foto e Ambasadorit në takim me një nga udhëheqësit politik në Kosovë ka marrë vëmendje në rajon. Është punë e ambasadës që të punojë me aktorë udhëheqës politik në Kosovë. Ne nuk kemi zgjedhur se si bashkëbiseduesi ynë, në kapacitetin e tij partiak, ka rregulluar dhomën”-shkruhet në reagimin e ambasadës.
Reagimet e Aleksander Vuçiç erdhën pas një takimi që ka pasur në Prishtinë, ambasadori i Britanisë së Madhe, Nicholas Abott, me kreun e Lëvizjes Vetëvendosje, Albin Kurti.
Vuçiç ka pyetur ambasadorin Abott se në cilin shtet i ka fituar zgjedhjet Albin Kurti, dhe ka thënë se do të vazhdojë ta bëjë këtë pyetje derisa të marrë një përgjigje.
A recent photo of the Ambassador meeting one of the political leaders in Kosovo has attracted attention regionally. It is the Embassy’s job to engage with leading political actors in Kosovo. We did not choose how our interlocutor, acting in a party capacity, arranged his rooms.
— UK in Kosovo 🇬🇧 (@UKinKosovo) October 16, 2019