Pak orë më parë, mediat publikuan, se një avokat nga Korça do të ngrinte padi për dy vëllezërit Veshaj, Romeo dhe Donald Veshaj, pasi kanë regjistruar një videoklip në muzeun e Korçës.
Së fundmi, shikohet një VIDEO kur efektivët e policisë ndalojnë një nga vëllezërit, Romeon.
Shihet se ai është ndaluar për shkelje të rregullave në qarkullimin rrugor, mirëpo është lënë i lirë.
Kur është larguar ai i ka dhënë dorën policëve dhe ka hipur në makinë e tij luksoze.
Romeo dhe Donald Veshaj janë dy emra shumë të njohur për publikun shqiptar të cilët akuzohen prej 5 vitesh për plagosje të rëndë me dashje.
Që nga viti 2017 e deri tani binjakët aktorë janë përballur e po vazhdojnë të përballen me drejtësinë shqiptare. Në vitin 2017, ata janë dënuar nga Gjykata e Vlorës për veprën penale “plagosje e rëndë me dashje”, kryer në bashkëpunim dhe sipas gazetares së kronikave, më 27 maj do të zhvillohet seanca gjyqësore për dy vëllezërit të cilët rrezikojnë deri në 10 vite burg.