Dita e djeshme ka shënuar rekordin e shifrës së të prekurve me COVID-19 në vendin tonë. Sot mësohet se edhe një nga shoqëruesit e Kryebashkiakut të Tiranës Erion Veliaj ka rezultuar pozitiv me koronavirus.
Po ashtu, të njëjtat burime bëjnë me dije se gardisti me inicialet K.D prej dy muajsh punon si shoqërues i Veliajt, ndërsa së fundmi ka shfaqur shenja të Covid 19.
Gardisti mësohet se është vetëkarantinuar pasi ka rezultuar pozitiv, ndërsa testit pritet t’i nënshtrohen dhe kolegët e tij të gardës, që konsiderohen si kontakte të afërta. Ndërkohë nuk dihet ende nëse testit do t’i nënshtrohet dhe vetë kryebashkiaku i Tiranës, Erion Veliaj.