Policia e Ankonas ka sekuestruar rreth 25 ton mbetje aparaturash elektrike dhe elektronike, të cilat janë konsideruar të rrezikshme për shëndetin.
Lajmi bëhet i ditur nga mediet italiane, sipas të cilave mbetjet do të dërgoheshin në Shqipëri.
Mbetjet janë sekuestruar nga agjentët e policisë në Ankonas së bashku me personelin e Agjencisë së doganave të zonës së portit dhe për këtë transport janë denoncuar katër persona.
Kujtojmë se 6 persona janë arrestuar në Shqipëri për mbetjet që u gjetën në një traget në Vlorë disa ditë më parë, të cilat kishin ardhur nga Italia për t’u groposur në Shqipëri.
Gjykata ka vendosur arrest me burg për pronarin e firmës së grumbullimit, Zamir Kormuzin, zëvendës kapitenin e tragetit St Damian Kujtim Xhaferllarin si dhe për shoferin e furgonit Arbër Çuni.
Sakaq është dhënë arrest shtëpie për Festim Tafën kapiteni i tragetit dhe Elisabeta Çunin administratore e firmës së pastrimit ”Delfini 1”.
Matjet janë bërë me pajisjen MINI RAD, procedurë që u shoqërua me fotografitë e nevojshme kriminalistike, nga e cila rezultoi se nuk kanë përbërje radioaktive.