4 minuta pasi u ngrit në fluturim nga aeroporti i Xhakartës, avioni i linjës ajrore Sriwijaya u zhduk nga radari.
Ekipet e kërkim-shpëtimit kanë gjetur mbetjet e avionit në det.
Avioni i modelit Boeing 737-500 u nis nga Xhakarta për në Pontianak, por vetëm 4 minuta pas nisjes nuk kishte asnjë shenjë prej tij. Në bord ishin 56 pasagjerë, përfshirë 10 fëmijë, tha një zyrtar i agjencisë kombëtare të kërkim-shpëtimit. Sipas mediave lokale në bord ishin dhe 6 anëtarë të ekuipazhit.
Shërbimi i gjurmimit Flightradar24 tha në njoftimin e tij në Twitter se Fluturimi SJ182 “humbi më shumë se 10,000 metra lartësi në më pak se një minutë, rreth 4 minuta pas nisjes nga Xhakarta”.