Jo gjithmonë është e lehtë të marrësh ngjyrë të mirë në plazh, pasi shumë vajza janë të bardha në lëkurë dhe për këtë arsye duhet shumë kohë të nxihen siç duhet.
Prandaj në këtë artikull keni disa mënyra fantastike sesi të merrni në mënyrën e duhur ngjyrë.
Ekspozim gradual
Mos e ekspozoni veten shumë gjatë dy-tre ditëve të para. Në fillim, mos merrni më shumë se në 20 minuta në diellin e fortë.
Mbrojtja
Varet nga ndjeshmëria që ju keni ndaj rrezeve të forta të diellit, prandaj kujdes tregoni si për lëkurën sytë dhe flokët.
Ju sugjerojmë që të mos dilni në diell pa përdorur produktet për nxirje dhe mbrojtje, që nga mëngjesi, dhe aplikimin bëjeni sa më shpesh në intervale të shkurtra kohe, sidomos në rast të djersitjes intensive dhe pas çdo dushi.
Koha dhe oraret
Koha më të mira për të ekspozuar trupin për një nxirje të shëndetshme ëshët mëngjesi deri në orën 11 dhe pasdite pas orës 15:00. Shmangni orët nga 12 në 15 pasi në këtë kohë të ditës, rrezatimi diellor është në kulmin e intensitetit të tij.
Mos përdorni parfum kur jeni në plazh
Për të parandaluar sensibilizimin e lëkurës dhe reagimet alergjike nga rrezitjet, mos aplikoni parfum ose solucione të tjera për trupin me bazë alkooli para se të dilni në diell. Gjithashtu nëse po merrni medikamente këshillohuni me mjekun tuaj.
Lëvizni mos rrini vetëm në çadër
E keni ditur gjithmonë gabim se të marrësh ngjyrë mirë, duhet të rrish vetëm në shezlon e shtrirë. Banja dielli mund të bëni edhe duke ecur ose duke luajtur. Në këtë mënyrë, rrezet e diellit shpërndahen në ët gjithë trupin, duke e bërë ngjyrën të njëtrajtshme në të gjithë lëkurën.
