Një supermarket u grabit së fundmi në Peqin, ku pronari dhe djali i tij janë dhunuar dhe i janë marrë paratë e xhiros ditore.
Të paktën dy persona që kanë qenë të armatosur me armë zjarri tip kallashnikov janë përfshirë në grabitjen e parave që dispononte Spahiu në market. Mësohet se xhiroja ditore e grabitur të ketë qenë 600-700 mijë lekë të vjetra. Ata pas grabitjes janë larguar me një automjet që i priste në vendin ku kryen grabitjen.
Ndërkohë pronari Agim Spahiu ka folur për Fax News:
Ishte rreth orës 23 të mbrëmjes kur dy persona të maskuar me armë mësyn në supermarket. Nuk i njohëm. Morën paratë e xhiros ditore rreth 600-700 mijë leke të vjetra që ndodheshin në sirtar. Ndërhyri djali që ndodhej me mua. Në atë moment nga përleshja ra xhami i derës dhe ai u lëndua në dorë. Në atë moment dy personat u larguan menjëherë. Djali ishte në spital. Bëmë denoncimin, por sot jemi të tronditur . Nuk e kemi hapur biznesin sa të marrim veten.