Ka marrë përmasat e një skandali të vërtetë të shoqëruar me një papërgjegjshmëri të theksuar nga ana e prindërve të djemve përdhunimi në grup i vajzës 13-vjeçare në qytetin e Kavajës.
Në vend që të merren me mirëedukimin dhe ndëshkimin e fëmijëve të tyre për atë gjë monstruoze që kanë bërë, prindërit e djemve të arrestuar kanë kërcënuar sot gazetarët që po ndjekin ngjarjen që të mos e bëjnë publik këtë rast duke synuar fshehjen e saj, ashtu siç ia kishin arritur deri para se të denoncohet nga ish-kryeministri Berisha.
Ngjarja ishte fshehur prej disa javësh.
Adoleshentët e arrestuar për këtë ngjarje të rendë dolën sot para Gjykatës së Durrësit për dhënien e masës së sigurisë. (real-news.tv)