Dorëshkrimi i Ajnshtajn për Teorinë e Relativitetit shitet në ankand për një vlerë marramendëse

B124E47C-0A74-490A-A311-9F6E66D30913.jpeg

Një dorëshkrim i rrallë i Albert Ajnshtajn është shitur në ankand për vlerën marramendëse 11.7 milionë Euro.

Këto shkrime përmbanin punë përgatitore të fizikanit mbi Teorinë e Relativitetit. Ankandi u zhvillua të martën dhe fillimisht punimi u vlerësua midis 2 milionë ose 3 milionë Euro.

Dorëshkrimi prej 54 faqesh ishte një bashkëpunim mes Ajnshtajn dhe Besso, një inxhinier zvicerano-italian, të cilët e punuan së bashku gjatë viteve 1913 dhe 1914 në Zyrih.

Teoria e famshme e Ajnshtajn për relativitetin u publikua në Nëntor të 1915 dhe transformoi teoritë mbi fizikën dhe astronominë gjatë shekullit të XX.

Ekuacionet në këto letra nuk tregojnë problemin e zgjidhur, por ishin shënime paraprake të cilave u dha zgjidhje vetëm në vitin 1915.

Ankandi britanik Christie’s ka thënë se blerësi do të mbetet anonim dhe ky dorëshkrim konsiderohet si punimi më i shtrenjtë i shkencëtarit. Kjo për shkak se fituesi i çmimit Nobel nuk mendonte t’i ruante dokumentet e tij, duke i bërë këto të fundit mjaft të rralla dhe me shumë vlerë.

REKLAMO NE REALNEWS +355 69 33 33 303