Drake futet në industrinë e kanabisit, hedh në treg linjë të re marijuane

Reperi i njohur, Drake ka vendosur të futet në industrinë e kanabisit duke hedhur në treg një linjë të re marijuane të quajtur ‘More Life Growth Company’.

Sipas The Hollywood Reporter, reperi ka bërë partneritet me kompaninë Canopy Growth Corp., me qendër në qytetin e tij të lindjes, në Toronto.

“Mundësia për t’u partnerizuar me një kompani të klasit botëror si Groeth Corp. në një shkallë globale është vërtet emocionuese,” tha Drake të enjten në një deklaratë.

“Ideja për të qenë në gjendje të ndërtojmë diçka të veçantë në një industri që është gjithnjë e në rritje ka qenë frymëzuese.

Sipas kompanisë, produktet e markës More Life – emëruar pas projektit të reperit – do të përqëndrohen në “Mirëqenie, zbulimin dhe rritjen e përgjithshme personale me shpresën për të lehtësuar lidhjet dhe përvojat e përbashkëta në të gjithë globin.”

Canopy Growth bashkëpunoi më parë me Seth Rogen për të filluar markën rekreative të marijuanës, Houseplant.