Duhet të ishte në izolim, por po shijon natyrën e egër të Siberisë, Kremlini sqaron pushimet e Vladimir Putin

800-0-6151a0ad3b036.jpg

Presidenti rus, Vladimir Putin, ka kaluar disa ditë pushimi në natyrën e egër siberiane, duke peshkuar, ecur në shtigje malore dhe duke u marrë me aktivitete të tjera fizike. Videoja e publikuar nga Kremlini të dielën shkaktoi debate, pasi Putin duhet të ishte në vetizolim për shkak se disa persona nga rrethi i tij i ngushtë ishin me Covid-19.

Një tjetër shtet vendos rregulla të reja, çfarë duhet të dini para se të udhëtoni. Tirana International Airport bën njoftimin me rëndësi“Po mbështet hapur Bashën”, analisti i njohur zbulon çfarë fshihet pas lëvizjes së ambasadores Yuri Kim në selinë blu: SHBA do të …Rinis operacioni “Bregdeti ynë”/ Shemben 22 objekte në vendin tonë

Për të sqaruar keqkuptimin, Kremlini tha se pamjet ishin para se presidenti të merrte vesh për infektimin e personave pranë tij dhe futjes në vetizolim, për shkak të së cilës anuloi edhe një udhëtim në Taxhikistan, ku do të merrte pjesë në një samit për sigurinë.

Putin gjithmonë iu është shfaqur rusëve, por edhe pjesës tjetër të botës, si një “burrë i fortë”, që merret me ushtrime dhe aktivitete në natyrë. Pamjet e tij teksa ngiste kalin gjysmë i zhveshur disa vite më parë bënë xhiron e botës.

Këtë herë, ai u filmua duke peshkuar, e duke ecur nëpër livadhe, bashkë me ministrin e Mbrojtjes, Sergei Shoigu, shokun e tij të zakonshëm në udhëtime të tilla.

Sa i përket gjendjes shëndetësore të 68-vjeçarit, Kremlini tha se ai ndihet i shëndetshëm dhe pa probleme. Sipas raportimeve të autoriteteve ruse, Putin i ka marrë të dy dozat e vaksinës Sputnik V.

Advertisement
REKLAMO NE REALNEWS +355 69 33 33 303