“Duhet teatër i ri modern”, Rama citon Elia Zaharia

elia-zaharia-1.jpg

Kryeministri Rama vijon çdo ditë të shpërndajë mesazhe të artistëve lidhur me ndërtimin e një teatri të ri Kombëtar.

Së fundmi, ai ka publikuar një citim të aktores, Elia Zaharia.

Ajo mendon se duhet një teatër i ri e modern, ku i vjetri duhet restauruar.

Postimi i Ramës:

Elia Zaharia, vajza e aktores së madhe Yllka Mujo, është edhe ajo një aktore e talentuar e teatrit, që njësoj si shumica dërrmuese e komunitetit teatror, ka opinionin e arsyeshëm lidhur me të ardhmen e godinës së Teatrit Kombëtar

ELIA ZAHARIA:

Nuk mendoj se është mëkat të kërkosh parametra dhe kapacitete europiane për një teatër dinjitoz kombëtar. Nëse do qe e mundur të ndërtohet ky teatër i ri modern, dhe krahas tij të restaurohet apo rikonstruktohet ai ekzistues, kjo do të ishte një zgjidhje ideale dhe ne të gjithë do të ishim shumë të lumtur! Por sa reale është në kushtet e sotme kjo dëshirë e jona? A i përmbush godina e sotme këto parametra? Këtë përgjigje ata që e njohin sadopak teatrin në brendi e dinë. Ata që e kanë parë vetëm nga fasada apo në televizor, i ftoj ta vizitojnë. Për një gjë i siguroj të gjithë ata që i kanë ndarë me dashje artistët në “me ne ose kundra nesh” – nuk ka asnjë artist që nuk e do apo nuk i dhëmb Teatri Kombëtar, përkundrazi! Të gjithë jemi teatri!

 

REKLAMO NE REALNEWS +355 69 33 33 303