Një 27-vjeçar, Trevor Rowe, akuzohet për vrasjen e një vogëlusheje një vjeç, pasi e la atë të vetme në makinë, të mbyllur brenda një çante.
Ngjarja e rëndë ka ndodhur në Texas të SHBA-së, ku 1-vjeçarja ka humbur jetën si pasojë e asfiksisë.
I dashuri i nënës së saj, teksa ai ishte në punë, e la vajzën 1-vjeçare të vetme në makinë, të mbyllur brenda një çante. Trevor shprehet se shkonte ta kontrollonte vajzën herë pas here, në momentin e parë që ai shkoi në makinë e pa të miturën që kishte dalë nga çanta, por ai e kishte futur sërish brenda.
Ai shpjegon se vogëlushja merrte frymë lirisht, por qante. Ndërsa ishte duke konsumuar vaktin e drekës pranë një fast fond, Rowe nuk shkoi në asnjë moment ta shihte vajzën duke e lënë të mbyllur në çantë. Kur doli nga puna në orën 17:00, ai e gjeti të miturën të pajetë. Pavarësisht tentativave për t’i ardhur në ndihmë, vogëlushja një vjeçare humbi jetën. Rowe rrezikon të dënohet me vdekje, ndërsa aktualisht ndodhet në burg.