Në SHBA situata me koronavirusin po përkeqësohet. Vetëm dy ditë pasi imunologët amerikanë paralajmëruan se numri i viktimave nga koronavirusi në SHBA mund të kalojë 100 mijë, Pentagoni ka konfirmuar se FEMA i ka kërkuar 100 mijë qese për trupat e pajetë.
“Departamenti i Mbrojtjes dhe Agjensia e Logjistikës së Mbrojtjes kanë një marrëveshje afatgjatë me FEMA për të siguruar mallra nga partnerët kryesorë gjatë operacioneve të reagimit ndaj krizave”, tha zëdhënësi i Pentagonit Mike Andreës.
“Aktualisht DLA po i përgjigjet kërkesës së FEMA për të blerë 100 mijë qese morgu për të përballuar emergjencat në emër të agjencive shtetërore të shëndetit”, tha ai në një e-mail për mediat amerikane.