Eksperti përgënjeshtron Edi Ramën: Spitali COVID-4 është mbyllur, qeveria dështoi

2552949a-c141-45e6-839c-b8d3c60b5136-770x396.jpg

Eksperti i Shëndetësisë në PD, Gazment Koduzi ka lëshuar një sërë akuzash ndaj kryeministrit Rama. Ai shprehet se ka shkuar në spitalin Covid-4 dhe e ka gjetur të mbyllur.

Sipas ekspertit, qeveria ka dështuar në menaxhimin e situatës nga kjo pandemi.

DEKLARATË E PARTISË DEMOKRATIKE, GAZMENT KODUZI

Qeveria dështoi me menaxhimin e situatës së Covid 19.

Dështoi në marrjen e masave për mospërhaqjen e këtij virusi në popullatë, por aq më tepër në institucionet shëndetësore.

Qeveria dështoi në rritjen e numrit të testimeve dhe në kohën e fundit rriti numrin e tyre tek 500 por pa plotësuar të gjithë nevojat që kanë qytetarët shqiptarë për t’u testuar dhe me këto masa qeveria tregoi që nuk ka një strategji, që e ka lëshuar situatën në rënie të lirë.

Qeveria në vend që sakrificën e njerëzve që bënë gjatë 3 muajve karantinim ta kthente në investim në sistemin shëndetësor për ta përballuar më mirë këtë situatë, qeveria u mor me propagandë, me tendera korruptivë dhe një nga veprat e propagandës së Edi Ramës është prapa meje, ish-Universiteti Kristal, i cili sipas Edi Ramës u kthye në Spitalin Covid 4 më 2 qershor dhe u inaugua me propagandë të madhe por që ishte një mashtrim për shqiptarët.

Sot shqiptarët kanë nevojë për kujdes shëndetësor më të specializuar dhe më cilësor dhe kjo godinë është e mbyllur. Edi Rama nuk i ka dëgjuar këshillat e ekspertëve të Partisë Demokratike apo edhe të pavarur për masat që duhet të marë për të përballuar këtë situatë, por vetëm është tallur me to.

Përgjegjësi kryesor i situatës në të cilën ndodhen qytetarët shqiptarë, është vetëm Edi Rama.

Advertisement
REKLAMO NE REALNEWS +355 69 33 33 303