Gazetari Artan Hoxha ka thënë se Agimi i Artë dhe grupet ultranacionaliste greke po kërkojnë emrat e skuadrës së RENEA-s që vranë Kostandinos Kacifan, në Bularat të Gjirokastrës, pasi ky i fundit qëlloi më parë ndaj policisë.
Hoxha u shpreh në studion e emisionit ‘Opinion’ se shteti shqiptar kurrsesi nuk duhet t’i zbulojë emrat e policëve që kryen detyrën.
“Po kërkojnë të identifikojnë emrat e skuadrës tonë të RENEA-s që kanë marrë pjesë në aksion. Do jetë një nga gabimet më të pafalshme të autoriteteve shqiptare dhe Prokurorisë nëse zbulohen emrat. Nëse ne do zbulojmë emrat e skuadrës që ishte në Bularat, ne do t’i ekspozojmë emrat e tyre përballë një hakmarrjeje të mundshme”, tha Hoxha.
Advertisement