Mjeku infeksionist, Pëllumb Pipero është një nga personazhet më aktive në vend për shkak edhe të pozicionit që mban dhe ku situata e krijuar me koronavirusin ka nevojë për informacione të herë pas hershme të tij.
Pipero vijon punën pandërprerë në Spitalin Infektiv të Tiranës ndaj pacientëve me COVID-19 ndërsa është e kuptueshme se në raste të tilla nuk mungon as mirënjohja e njerëzve që iu ka ardhur në ndihmë.
Ka ndodhur sot në ditë me shi teksa Pipero ka dalë nga Infektivi me veshjen e posçme kundër depërtimit të virusit teksa është parë që lëviz me një çadër dhe një buqetë lulesh në duar.
Me shumë gjasë lulet i janë dhuruar mjekut të njohur nga ndonjë pacient, ish-pacient apo i afërm i dikujt të tillë ndërsa duhet vlerësuar fakti se qytetari që ka bërë gjestin në fjalë është treguar mirënjohës ndaj bluzave të bardha.