Një aksident i rëndë ka ndodhur në orët e para të mëngjesit të sotëm në Unazën e qytetit të Elbasanit, ku dy automjete janë përplasur kokë më kokë.
Mjetet e përfshira në aksident janë njëri tip ‘Suzuki’ dhe një tjetër tip ‘Mercedes’ e për pasojë kanë mbetur 2 persona të plagosur.
Të plagosurit janë dërguar menjëherë në spital dhe sipas bluzave të bardha nuk kanë asnjë rrezik për jetën.
Ndërkohë, policia ka shkuar në vendin e ngjarjes për të kryer verifikimet e nevojshme.
Kjo rrugë është bërë shpeshherë objekt aksidentesh të rënda, si pasojë e ekzistencës së shumë rrugëve dytësore. (real-news.tv)