(FOTO+VIDEO) Tiranë, shpërthen bombola e gazit në një byrektore në Yzberisht, plagoset punëtorja

Një bombol gazi ka shpërthyer mëngjesin e sotëm në një biznes në zonën e Yzberishtit në kryeqytet, ku si pasojë është plagosur një grua.

Burime për Report Tv bëjnë me dije se si pasojë e shpërthimit të bombolës së gazit e plagosur ka mbetur punëtorja e një byrektoreje, ndërsa shpërthimi ka krijuar edhe shumë dëme materiale duke e shkatërruar plotësisht biznesin në fjalë.

Byrektorja ka qenë në katin e parë të një pallati ndërsa shpërthimi ka krijuar tronditje dhe panik tek banorët. Fatmirësisht gruaja e plagosur është jashtë rrezikut për jetën, ndërkohë që mësohet se ajo ka qenë duke bërë përgatitjet për të filluar punën.

Ndërkohë policia ka shkuar në vendin e ngjarjes dhe po heton për zbardhjen e plotë të kësaj ngjarje.