fbpx

Franca i mbyll dyert sulmuesit Benzema. Reagon futbollisti i Realit

benzema.jpg

Karim Benzema nuk do të kthehet më të luajë për kombëtaren franceze të futbollit.

Sulmuesi i Realit të Madridit nuk do ta veshë më fanelën blu dhe këtë e ka konfirmuar vetë Presidenti i Federatës Franceze të Futbollit (FFF).

“Nuk kam asgjë kundër Karimit, gjithmonë është sjellë mirë në skuadër, por mendoj se koha e tij në kombëtare ka përfunduar, sidomos sepse nuk ka qenë në formë për ca kohë”, deklaroi Noel le Graet.

Në Twitter, futbollisti i Realit reagoi kështu: “Zoti Le Graet, ju kërkoj që të më harroni dhe të më lini të qetë, ju lutem. Franca është kampione bote dhe kjo është e rëndësishme, të tjerat janë fjalë që i merr era. Falemnderit”.

Karim Benzema nuk grumbullohet më nga Franca që nga viti 2015, kur u bë publik skandali seksual i Mathieu Valbuena, në të cilin ishte i përfshirë sulmuesi i Realit.

REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *