fbpx

Franca me “dorë të hekurt”, kontrolle në kufi për të mos lejuar qytetarët të shkojnë për ski në Zvicër

Jean-Castex-721x450.jpg

Kontrolle të zakonshme kufitare do të nisin së realizuari për të ndalur francezët që të mos shkojnë në shtetin fqinj, Zvicër, në skijim, ka thënë kryeministri i Francës, Jean Castex.

Franca, bashkë me Gjermaninë dhe Italinë, janë duke ndalur punën e teleferikëve në kohën e Krishtlindjes për të ndalur përhapjen e koronavirusit, mirëpo në Zvicër qendrat e skijimit veçse janë të hapura.

Sezoni i skijimit për Krishtlindje dhe Vitin e Ri është periudhë e rëndësishme për ekonominë e shumicës së vendeve evropiane.

Castex ka thënë se është detyra e tij që të mbrojë qytetarët.

“Përfundimi që duhet të merrni është ‘Unë nuk po shkoj në Zvicër’”, ka thënë ai për kanalin BFMTV, të mërkurën, duke shtuar se secili që shkon në këtë shtet, do të përballet me masë të karantinës në kthim.

Megjithatë, Zvicra, nuk është pjesë e Bashkimit Evropian, derisa Austria dhe Spanja, nuk kanë shprehur gatishmëri për mbyllje të tërësishme të qendrave të skijimit.

Advertisement
REKLAMO NE REALNEWS +355 69 33 33 303